Суриядаги мухолифат вакиллари Россия вертолётини уриб туширгани хабар қилинди

Жаҳон 24 Ноябрь 2015 4309

Суриядаги мухолифат кучлари вакилининг маълум қилишича, Россияга тегишли ҳарбий вертолёт мухолифат вакиллари томонидан уриб туширилган.

Маълум қилинишича, вертолётга танкка қарши ракета воситасида уриб туширилган.

Тахмин қилинишича, бу вертолётдагилар Су-24 самолёти учувчиларини қидираётган бўлган.

Бундан олдинроқ, Россия ҳарбий вертолётлари Сурияда қулаган Су-24 учувчиларини қидираётгани хабар қилинганди.

Бироз олдинроқ, самолётдан катапульта қилинган учувчиларнинг иккиси ҳам ҳалок бўлгани маълум қилинди.

Эслатиб ўтамиз, 24 ноябрь, сешанба куни Туркия Россиянинг Су-24 бомбардимончи самолётини ўз ҳаво ҳудудини бузиб киргани учун уриб туширди.

Россия Мудофаа вазирлиги вакилларининг таъкидлашича, самолёт фақат Сурия ҳудудида парвоз қилган.

Кўпроқ янгиликлар