Париж шаҳридаги “Батаклан” концерт залига ҳужум уюштирган террористлар гиёҳванд модда истеъмол қилган бўлишлари мумкин, дея ёзмоқда Times газетаси улар билан музокаралар олиб борган полиция зобити маълумотига асосланган ҳолда.

Полициячи сўзларига кўра, террористлар саросимага тушгандек кўринган ва ҳуқуқни муҳофаза органларини уларнинг қочиб кетиши учун изн беришга ишонтиришга ҳаракат қилишган. Полициячи Жорж Салинаснинг айтишича, бўлинма залга бостириб киришга муваффақ бўлганда икки жангари 20 нафар гаровга олинганлар билан долонда яширинишга уринган. “Уларнинг бошида фақатгина қандай қилиб бўлса ҳам бу ердан қочиб кетиш фикри бор эди”, - деди Салинас.

Ўзини Паскаль деб таништирган полициячи эса улар билан телефон орқали музокара олиб борган.

“Террористларнинг гап-сўзлари гўёки наркотик таъсирида тургандек ҳаяжонли ва пойинтан-сойинтар эди”, - деди у. Полиция вакилининг қўшимча қилишича, террористлар битта жумлани – улар халифалик аскарлари эканини такрорлайверишган.

Қайд этилишича, айрим ИШИД жангарилари каптоган наркотик моддасини истеъмол қилади.

Бундан аввалроқ эса “Батаклан” театри Париж воқеаларидан сўнг яна қайтадан иш бошлагани хабар қилинган эди.