Тожикистон ИИВ россиялик ҳамкасбларига мамлакатда қидирилаётган террорчилар рўйхатларини беради. Тожикистон ички ишлар вазири Рамазон Раҳимзоданинг сўзларига қараганда, бу рўйхатдагиларнинг аксарияти бугунги кунда Сурияда бўлиб, Россияга киришга ҳаракат қилиши мумкин.

Унинг сўзларига қараганда, айни пайтда Россиянинг Суриядаги операцияси туфайли айрим тожикистонликлар ўз юртларига қайтмоқда, бу эса республика раҳбариятини хавотирга солмоқда.

“Улар террорчилардир... Бундай вазият барқарорликка реал таҳдид уйғотади. Бу эса, ўз навбатида, бизни ҳаракатга ундайди. Шу боис биз иш тартибида Россияга қидирувдаги шахслар рўйхатини берамиз”, - деди Раҳимзода Россия ва Тожикистон ИИВ бирлашган коллегияси йиғилишида.