Туркия Сурия билан чегараси ҳудудидаги Су-24 русумли бомбардимончи ҳарбий самолётини ўз суверенитетини ҳимоя қилиш мақсадида уриб туширган. Бу ҳақда Туркия ҳукуматидаги расмий вакиллардан бири хабар берган.

Унинг қайд этишича, бу ҳаракат қайсидир бир мамлакатга қарши ҳужум сифатида баҳоланмаслиги керак.

Эслатиб ўтамиз, 24 ноябрь, сешанба куни Туркия Россиянинг Су-24 бомбардимончи самолётини ўз ҳаво ҳудудини бузиб киргани учун уриб туширди.

Россия Мудофаа вазирлиги вакилларининг таъкидлашича, самолёт фақат Сурия ҳудудида парвоз қилган.

Бироз олдинроқ, самолётдан катапульта қилинган учувчиларнинг иккиси ҳам ҳалок бўлгани маълум қилинди.