Хитойнинг Xiaomi компанияси ўзининг расмий твиттер саҳифасида RedmiNote3 смартфонини тақдим қилди. Қурилма тўлиқ металлдан ясалган бўлиб, у Helio X10 процессорида ишлайди. Смартфон корпусининг орқа томонида бармоқ изи сканери ҳам мавжуд.

RedmiNote3’га 4000 мА/соат ҳажмли аккумулятор, 13 Мп асосий ҳамда 5 Мп олд камера ўрнатилган. Смартфоннинг икки хил: 16 ГБ доимий, 2 ГБ тезкор хотира ҳамда 32 ГБ доимий, 3 ГБ тезкор хотирага эга версиялар бор.

Смартфон уч хил: кумуш, тўқ кулранг ҳамда тилларанг корпусларда сотувга чиқади. Унинг нархи 140 доллардан бошланади.