Самарқандда қўлбола Jack Daniel's вискисини тайёрлаб сотганлар фош қилинди

Жамият 25 Ноябрь 2015 2153

Божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда вилоят ҳудудида қўлбола усулда контрафакт алкоголли ичимликлар тайёрлашга мўлжалланган яширин цехлар фаолияти фош қилинди.

Жумладан, Оқтош туманида ўтказилган ҳамкорликдаги тадбир давомида мазкур туманда истиқомат қилувчи фуқаро В.Якубовнинг хонадони амалдаги тартибларга мувофиқ холислар иштирокида кўздан кечирилганда, хонадон ертўласида қўлбола усулда тайёрланган ароқларни қадоқлашга мўлжалланган воситалар, шу жумладан 943 дона муқаддам ишлатилган бутилка металл ва пластмасса қопқоқлари, 50 дона бутилка қопқоғига ўраладиган полиэтилен қопламалар, 85 дона бир хил серия рақамига эга сохта акциз маркалар борлиги аниқланди. Жумладан, бу цехда Jack Daniel's вискиси тайёрланган.

Каттақўрғон туманида истиқомат қилувчи С.Алимованинг хонадони кўздан кечирилганда эса, бу ерда 85 литрдан ортиқ 2 турдаги 190 шиша контрафакт ароқлар қонунга зид равишда сақланаётганини аниқланди.

Самарқанд шаҳрида аниқланган яна бир ҳолатда фуқаро М.Умаровнинг хонадонида божхона расмийлаштирувини тасдиқловчи ҳужжатлари бўлмаган 17 литрдан ортиқ 2 турдаги 22 дона контрафакт вискилар қонунга хилоф равшида сақланаётгани фош этилди.

Мазкур ҳолатда хорижий ишлаб чиқарувчиларга тегишли таниқли брендларнинг сохталаштирилганига гувоҳ бўлиш мумкин.

Ҳозирда юқоридаги ҳолатлар юзасидан божхона текширувлари ва суриштирув ҳаракатлари давом эттирилмоқда, деб хабар қилади Божхона қўмитасининг ахборот хизмати.

Маълум қилинишича, 2015 йилнинг ўтган даври мобайнида Самарқанд вилояти божхона бошқармаси ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган шу каби қонунбузарлик ҳолатлари натижасида 957 литр сифатсиз алкоголли ичимликлар ашёвий далил сифатида олиб қўйилган.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30145 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42374 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158870 Жамият
Кун.uz офис изламоқда
15:48 / 06.08.2017 45035 Lifestyle
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 875 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 465 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 2066 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 188 Спорт
Эрдўған Ғарбнинг Яқин Шарқдаги сиёсатини танқид остига олди
00:02 907 Жаҳон
Кўпроқ янгиликлар