Artel савдо белгиси Божхона иттифоқининг мувофиқлик сертификатини қўлга киритди. Бу эса Божхона иттифоқига аъзо давлатлар ҳудудида маҳсулотларни қўшимча рухсат берувчи ҳужжатларисиз савдога чиқариш имконини беради.
Хўжалик техникаларини ишлаб чиқаришга ихтисослашган Artel компанияси, бир неча йилдирки, Ўзбекистонда истеъмолчилар ўртасида кенг шуҳрат қозониб келмоқда.

Компания маҳсулотлари сафидан замонавий халқаро сифат стандартларига мос келадиган турли хилдаги хўжалик техникалари жой олган. Бугунги кунда Artel сплит-тизимлари (икки блокдан ташкил топган кондиционерлар) Божхона иттифоқининг «Eurasian Conformity» мувофиқлик сертификатига эга бўлган.
Эндиликда «Made in Uzbekistan» кондиционерлари Божхона кенгашининг: Россия Федерацияси, Қозоғистон, Беларусь Республикаси, Қирғизистон, Арманистон каби аъзо-давлатларида кенг фойдаланилади. Шу муносабат билан ишлаб чиқариш ҳажми ҳам 20 фоизга ортади.

Artel савдо белгисининг ривожланиш ва сифат назорати департаменти ишлаб чиқарилаётган хўжалик кондиционерлари Божхона иттифоқи техник регламенти талабларига мувофиқ тарзда барча зарур баҳолаш жараёнларидан ўтказилганини маълум қилди. Компания барча техникалар учун Божхона иттифоқи сертификатини олишни режалаштирган бўлиб, яқин кунларда кондиционерлардан ташқари газ плиталари,

кир ювиш машиналари, музлаткичлар ва телевизорлар ҳам экспорт қилина бошлайди. Шунингдек, айни пайтда ARTEL заводларида ISO 9001, ISO 14001 халқаро стандартлари талабларига мос сифат менежменти тизимини жорий этиш бўйича ишлар амалга оширилмоқда.