Туркия президенти Ражаб Тойиб Эрдўған Истанбулда бўлиб ўтаётган Халқаро ислом иқтисодиёти конференциясида мамлакат ҳарбий ҳаво кучлари Су-24 самолётига ҳужум қилаётган вақтда унинг Россияга тегишли эканини билишмаганини маълум қилди. Бу ҳақда РИА “Новости” агентлиги хабар берди.

Эрдўғаннинг маълум қилишича, Туркия ҳукумати ҲҲКнинг Россия ҳарбий самолётини уриб туширгани ҳақида Россия Мудофаа вазири мазкур воқеани тасдиқлаганидан кейингина хабардор бўлган.

Бундан аввалроқ эса Россиянинг Франциядаги элчиси Александр Орлов Сурия ҳудудида Россиянинг Су-24 русумли ҳарбий бомбардимончи самолёти Туркиянинг F-16 русумли қирувчи самолёти томонидан уриб туширилгач, катапульта орқали самолётни тарк этган учувчилардан бири тирик қолганини тасдиқлаган эди.