Ҳиндистондаги сув тошқинлари қурбонларининг сони 176 нафарга етди

Жаҳон 25 Ноябрь 2015 1388

Ҳиндистон жанубидаги Тамилнад штатида тинимсиз ёғингарчиликлар келтириб чиқарган сув тошқинлари қурбонлари сони 176 нафарга етди, дея хабар қилмоқда ANI агентлиги.
Аввалроқ эса табиий офат сабабли 100 киши оламдан ўтгани ҳақида хабар қилинган эди.

Ченнаи шаҳридаги мактаб ва коллежлар 10 кундирки, фаолият кўрсатаётгани йўқ. Олий таълим муассасаларида имтиҳонлар бекор қилинган.
Ёғингарчиликлар миқдори сўнгги бир неча кун ичида камайганига қарамасдан, Ченнаи ва Куддалоранинг айрим ҳудудлари ҳамон сув остида қолмоқда.

Штат бош вазири Жаярам Жаялалитха мамлакат бош вазири Нарендра Модига табиий офат оқибатларини бартараф этиш учун 130 миллион доллар ажратилиши сўраб мурожаат қилди. Ички ишлар вазирлигига мазкур маблағларни ажратиш вазифаси топширилди. Бундан ташқари, йўқотишлар миқёсини баҳолаш учун 26 ноябрь куни Тамилнадга махсус комиссия йў олади.

Кўпроқ янгиликлар