Россия ТИВ раҳбари Сергей Лавров Россиянинг Туркияга қарши уруш очишни кўзламаётганини маълум қилди, дея хабар қилди ТАСС.

“Туркия билан урушишга тайёрланаётганимиз йўқ, турк халқига бўлган муносабатимиз ўзгаргани йўқ. Фақатгина Туркия ҳукуматига саволлар пайдо бўлмоқда”, - деди Лавров.
Россия ТИВ раҳбари Анталиядаги “йигирматалик” саммити майдонида Туркия томони буфер (тўқнашувчилар орасидаги учинчи тараф) зоналари ва парвозлардан ҳоли ҳудудларни ташкил этиш мавзусини кўтариб чиққанини эслаб ўтди.

Бундан аввалроқ эса Сергей Лавров Москва расмий Анқара билан муносабатлари ҳамда ўртадаги келишувларни бошқатдан кўриб чиқишини маълум қилган эди. Унинг сўзларига кўра, мазкур тадбирлар Су-24нинг уриб туширилиши билан боғлиқ равишда амалга оширилади.