2015 йилнинг ноябрида Россия пойтахтида туғилган қизалоқлардан бирига Сурия исми берилди. Бу ҳақда “Аналитический центр” давлат бюджет муассасасига таянган ҳолда “Москва” янгиликлар агентлиги хабар берди.

“Шаҳардаги ФҲДЁ туман бўлимларидан бирининг маълумотларига қараганда, 2015 йил ноябрининг учинчи декадасида пойтахтда янги исм пайдо бўлди – Сурия, - деди агентликнинг суҳбатдоши. – Отаси айни кунларда Яқин Шарқда хизмат командировкасида бўлган шу кунларда туғилган қизалоққа айнан шунақа исм берилди”.

Марказ вакилининг сўзларига қараганда, бундай ҳолат Москвада тез-тез кузатиб турилади. Шаҳар аҳолиси ичида 2 нафар Россия, шунингдек, 1 нафардан Византия, Индия, Россияна, Челси, Максим-Москва, Николай-Никита-Нил, Архип-Урал, Севастополь ва Монино-Никита исмлари бор. Бундан ташқари, пойтахтда 2 нафар Луна (Ой) исмли қизлар бор.