Москванинг "Спартак" жамоаси Туркияда ўқув-машғулот йиғинларини ўтказмайди. Бу ҳақда жамоа расмий сайтида хабар берилган.

"Қишки танаффус вақтида "Спартак" Туркия ҳудудида 7та ўртоқлик учрашуви ўтказиши белгиланганди. Шундан 6таси жамоа ўринбосарлари ва "Спартак-2" жамоалари, биттаси эса асосий жамоа учун эди. Бугун, бу режалар бекор қилинди. Айни вақтда "Спартак" раҳбарияти муқобил вариантларни кўриб чиқмоқда", дейилади хабарда.

Бироз олдинроқ, Москванинг "Локомотив" жамоаси президенти Ольга Смородская жамоанинг Туркиядаги йиғини бекор қилинмаслиги ҳақида маълум қилганди.