Парижда ўтказиладиган иқлим масалалари бўйича анжуманда АҚШ президенти Барак Обама ва Россия президенти Владимир Путин ўртасида расмий учрашув белгиланмаган, аммо улар мулоқот қилишлари мумкин. Бу ҳақда Оқ уй вакили маълумотига асосланиб, РИА “Новости” хабар бермоқда.

“Менга Путин билан бўлиб ўтадиган учрашув ҳақида ҳеч нарса маълум эмас. Саммитда иштирок этаётган Путин ва Обаманинг ўзаро мулоқот қилиши табиий ҳол. Айни дамда бизда ҳеч қандай расмий маълумот мавжуд эмас”, — деди у.