Хитойнинг Хuzhou Construction Machinery Group (XCMG) компанияси “Ўзбекистон темир йўллари” АЖ билан Урганчдаги UzХCMG қўшма корхонасининг ишлаб чиқариш қувватини кенгайтириш бўйича ўзаро ҳамфикрлик тўғрисидаги меморандумни имзолади.

XCMG компанияси бош менежери Ли Чжонгнинг маълум қилишича, ҳужжат 5-6 ноябрь кунлари Тошкентда бўлиб ўтган Халқаро инвестицион форум жараёнида имзоланган. Унинг сўзларига кўра, Урганчдаги UzХCMG қўшма корхонаси айни пайтда гидравлик экскваторларни ишлаб чиқаради.
2014 йилнинг май ойида Урганчда гидравлик экскваторлар ва қурилиш техникаларини ишлаб чиқариш ҳамда уларга хизмат кўрсатишга ихтисослашган UzXCMG ўзбек-хитой қўшма корхонаси ишга туширилган эди.

Янги қўшма корхона Урганч экскватор заводи базасида барпо этилди. Ўрта Осиёда ягона бўлган мазкур корхона 1974 йилда ишга туширилган бўлиб, унда мелиоратив ишлар учун фойдаланиладиган тросли экскваторлар, земснаряд (землесос ўрнатилган кемача)лар, культиваторлар ва бошқа кўплаб металлоконструкциялар ишлаб чиқаришга ихтисослашган.