Россия президенти Владимир Путин турк ҳукуматини радикал ислом ҳаракатларини қўллаб-қувватлашга қаратилган ички сиёсат юритишда айблади. Бу ҳақда РИА «Новости» хабар тарқатмоқда.

«Биз, нафақат биз, балки – сизни ишонтириб айтаман – бутун дунё кўрдики, бугунги Туркия давлати раҳбарияти бир неча йиллардан буён мамлакатни исломлаштириш учун етарлича мақсадли ички сиёсат олиб борган», — дея таъкидлади у.

Президентнинг сўзларига кўра «Биз ўзимиз ҳам Исломни қўллаб-қувватлаймиз ва буни ҳозир ҳам амалга оширамиз, аммо гап [Туркиянинг] радикал кайфиятдаги қўллаб-қувватлаш ҳақида кетмоқда».

Путиннинг қўшимча қилишича, ислом — дунёнинг буюк динлари қаторига киради. У жумладан Россия ҳудудида ҳам анъанавий динлардан саналади.

Бундан ташқари, Путин, Су-24 билан боғлиқ воқеага Россия ўта жиддий ёндашишини ва хавфсизлик учун барча воситалардан фойдаланишини маълум қилиб ўтган.