Қозоғистонлик фибиргар донор ёш чақалоққа донорлик қилиш баҳонасига беморнинг ота-онасидан қарийб 500 минг Қозоғистон тангаси миқдорида пулни ўзлаштириб олган.

«Қозоғистоннинг Ақтўбе шаҳрида яшовчи Асем Кабакованинг бир ёшли фарзандига «сурункали буйрак етишмовчилиги» ташхиси қўйилди. Чақалоқнинг иккала буйраги ҳам ишламасди. Шунингдек жигарни ҳам кўчириб ўтиш зарур бўлган», дейилади хабарда.

Қайд қилинишича, аввалига Олма-Ота шаҳрида шифокорлар бўлажак донорнинг таҳлилини аввалига ижобий, кейин салбий деб баҳолашган. Шундан кейин донор беморни Остонага олиб борган ва у ерда гўёки донорлик таҳлилининг ижобий чиқиши учун шифокорларга 400 минг танга бериш лозимлигини чақалоқнинг ота-онасига маълум қилган.

Шундан кейин донор яна бир қатор қўшимча комиссия текширувлари учун жами 475 минг танга миқдорида пулни фирибгарлик йўли билан қўлга киритган..

Аввалига 30 октябрь куни бўлиб ўтиши керак бўлган операция донорнинг талабига кўра, 9 ноябрга қадар қолдирилган. Шундан кейин фибиргар донор бемор оиласининг телефон қўнғироқларига жавоб бермай қўйган. Полицияга бўлган мурожаатдан кейин қўлга тушган Серик исмли донор оилага барча пулларни қайтаришга сўз берган. Бунинг учун сўнгги муддат 25 ноябрь эди. Лекин ҳозирда Серикни умуман топиб бўлмаяпти, деб ёзади манба.

Ҳозирда Инжу исмли чақалоқнинг операция қилиниши бўйича ишлар амалга оширилмоқда. Бунинг учун унинг ота-онасига янги донор керак бўлади.