Россиянинг НАТОдаги доимий вакили Александр Грушконинг фикрича, Туркия ҳукумати альянсни ўз ҳаракатларини оқлашга мажбур қилди. Альянс ўз иттифоқчисининг ёнини олишга мажбур бўлди.

“Анқара ўз мақсадига эришди – иттифоқ бирдамлигини ниқоб қилиб, альянсни ўзининг ноқонуний хатти-ҳаракатларини оқлашга мажбур қилди. Аслида уларнинг ҳаракатлари ИШИДга қарши кураш борасидаги умумий ҳаракатларга путур етказиб, мамлакатлар хавфсизлигига таҳдид яратди”, - унинг сўзларини келтиради РИА Новости.

Эслатиб ўтамиз, альянс Туркия томонидан Россиянинг Су-24 самолётининг уриб туширилиши муносабати билан берган баёнотида Туркия ўз чегараларини ҳимоя қилганини ҳамда тўғри ҳаракат қилганини таъкидлади. Ушбу баёнотни Грушко “соялар театри” деб баҳолади.

“НАТО бош котибининг баёнотида Туркиянинг бизнинг самолётга ҳужуми юзасидан танқид сўзлари айтилмади, ваҳоланки самолётимиз Туркия хавфсизлигига хавф туғдирмаётган эди ва туғдириши мумкин ҳам эмас эди, негаки Сурия ҳаво ҳудудида эди. Террорчиликка қарши кураш бўйича бурчларини бажараётган россиялик ҳарбий хизматчиларнинг ҳалокати билан боғлиқ афсусланиш сўзларига ўрин топилмади бу баёнотда”, - таъкидлади у.