Рус элчиси Су-24 самолётининг иккинчи учувчиси тирик қолгани ҳақидаги хабарни тасдиқлади

Жаҳон 25 Ноябрь 2015 5637

Россиянинг Франциядаги элчиси Александр Орлов Сурия ҳудудида Россиянинг Су-24 русумли ҳарбий бомбардимончи самолёти Туркиянинг F-16 русумли қирувчи самолёти томонидан уриб туширилгач, катапульта орқали самолётни тарк этган учувчилардан бири тирик қолганини тасдиқлади.

Унинг сўзларига асосланиб, Рейтер нашрининг хабар тарқатишича, айни вақтда қутқарилган учувчи Сурия ҳукумати ихтиёрида бўлиб турибди.

Бироз олдинроқ, Россия Мудофаа вазирлиги учувчилардан бири туркман жангчилари томонидан ҳаводалигидаёқ отиб ўлдирилгани ҳақида хабар қилганди.

Бугун эрталаб, ОАВлар Су-24 самолётининг иккинчи учувчиси суриялик ҳарбийлар томонидан қутқарилгани ҳақида хабар тарқатди.

Дастлаб, айрим ОАВларда самолётнинг ҳар икки учувчиси ҳалок бўлгани ҳақида хабар берилган, лекин бу маълумотлар расман тасдиқланмаганди.

Сўнг Сурия мухолифати учувчилардан бирининг танасини ҳукумат қамоғида бўлган вакилларидан бирига алмаштирмоқчи бўлгани хабар қилинганди.

Шунингдек, Суриядаги туркманлар гуруҳи вакили учувчиларнинг ерга тушгач, отиб ташлангани ҳақида маълумот берган.

Кейинроқ, туркманлар Су-24 самолётининг катапульта қилган учувчиларига ҳаводалигидаёқ ўт очишгани видеоси пайдо бўлди.

Эслатиб ўтамиз, 24 ноябрь куни тонгда Туркия—Сурия чегарасида Суриядаги ҳарбий операцияда иштирок этаётган Россиянинг Су-24 самолёти уриб туширилди. Туркиянинг таъкидлашича, самолёт мамлакат ҳаво кенгликларини бузиб ўтган.

Россия Мудофаа вазирлигининг қайд этишича, Россия самолёти Туркия ҳудудига кирмаган.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22286 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40368 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153636 Жамият
Кун.uz офис изламоқда
15:48 / 06.08.2017 43838 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 20 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 1285 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 807 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Сурхондарё вилоят ҳокими: Ғалладан бўшаган 100 фоиз майдонда такрорий экинлар экилган
19:23 1353 Жамият
Кўпроқ янгиликлар