Тунис пойтахтида 24 ноябрь куни мамлакат президенти қўриқчилари минган автобуси портлаши худкуш террорчи томонидан амалга оширилган. Бу ҳақда президентнинг хавфсизлик хизмати бошлиғи Хичем Гарби маълумот берган.

Дастлабки маълумотларга кўра, террорчининг елкасида сафар халтаси бўлган. У автобусга киргач, портлаш содир бўлган.

Теракт натижасида 13 киши ҳалок бўлган, улардан 12 нафари президент қўриқчилари эди, ўн учинчи қурбоннинг шахси аниқланмоқда.

Тунис Соғлиқни сақлаш вазирлигининг маълум қилишича, 20 киши жароҳатланган, уларнинг 14 нафари тинч аҳоли вакили бўлган.

Эслатиб ўтамиз, 24 ноябрь куни президентнинг қўриқчилари кетаётган автобуснинг портлатиб юборилган.

25 ноябрь куни шу муносабат билан Тунисда 30 кун муддатга фавқулодда ҳолат жорий этилди.