Туркия марказий штаби Туркия-Сурия чегарасида сўнгги вақтлардаги энг йирик патруллик қилиш бўйича амалиётни ўтказди. Марказий штаб тарқатган баёнотга кўра, операцияда бир вақтнинг ўзида 18 дона F-16 қирувчиси иштирок этди.

Онадўли агентлиги маълумотларига кўра, Россия самолётининг уриб туширилиши билан боғлиқ ҳодисадан сўнг ҳарбий қўмондонлик Сурия билан чегарадаги Хатай провинциясига қўшимча 20та танкни юборди. “Танклар Газиантеп шаҳрига темир йўл орқали етказилиб, ундан кейин ҳарбий юк машиналарида ташилди. Полиция ва жандармерия кузатуви остида улар Бешинчи танк бригадаси жойлашган ҳудудга олиб борилди ", - хабар берди агентлик.

Марказий қўмондонлик 2015 йил бошидан буён Сурия билан чегарага чегаралар ҳимоясини таъминлаши лозим бўлган йирик армия контингентини жойлаштирган. Бундан ташқари, Суриянинг Хатай провинцияси жануби бўйлаб жойлашган ҳудудларда этник туркманлар истиқомат қилишади. Анқара Россия ҲҲКнинг мазкур ҳудудлар бўйлаб авиазарбалар беришидан қаттиқ хавотирда эканини маълум қилган эди.