Венгр полицияси террорчилиги гумон қилинган 4 кишини қўлга олган.

Маҳаллий нашрларда ёзилишича, Венгрия аксилтеррор маркази ўтган ҳафтада бу шахсларни қўлга туширган, лекин бу ҳақда эндигина маълум қилмоқда.

Уларнинг барчаси Будапештга кириш йўлида, бир машинадалигида қўлга тушган.

Полиция маълумотларига кўра, уларнинг машинасидан портловчи машина топилган. Улар яшайдиган уйдан эса қўлбола бомба тайёрланадиган лабаратория аниқланган.

Уларнинг ёшлари, жинси ва миллати ҳақида аниқ маълумотлар берилмаган. Шунингдек, уларнинг қайси террорчи гуруҳига алоқадорлиги ҳам билдирилмаган.

Уларнинг ИШИД ёки бошқа глобал ташкилотларга алоқадор ёки алоқадор эмаслиги тўғрисида бир неча кундан кейин маълум қилинади.

Охирги ҳафталарда Венгрияда ҳам хавфсизликни таъминлаш чоралари кучайтирилган. Ҳуқуқ тартибот органлари ходимлари Парижда 13 ноябрь куни амалга оширилган ва 130 кишининг ўлими билан якунланган теракт туфайли чегараларни қатъий назорат қилмоқда ва текширувлар олиб бормоқда.