Ямайкалик боксчи, собиқ жаҳон чемпиони О'Нил Белл АҚШнинг Атланта шаҳрида номаълумлар томонидан талончилик пайтида отиб кетилди. Бу ҳақда маҳаллий ҳокимият вакиллари маълум қилишди.

Уларнинг маълумотларига кўра, 41 ёшли спортчи ва унинг дўсти автобусдан тушаётганларида уларга қарата икки киши ўқ узган. Белл воқеа жойида ҳалок бўлган, унинг дўсти жароҳатлар билан шифохонага олиб кетилган. Полиция тахминига кўра, эркакларга нисбатан талончилик амалга оширилган бўлиши мумкин. Ҳуқуқ-тартибот муассасалари воқеани тергов қилишмоқда.

О'Нил Белл оғир вазн тоифасида IBF ва WBA версиялари бўйича жаҳон чемпиони бўлган. Белл WBC талқини бўйича ўз вақтида дунёнинг энг яхши боксчилари рейтингида 2-ўринни эгаллаган.