Россияга тегишли самолётни уриб тушириш ҳақидаги қарор Туркия президенти Ражаб Тойиб Эрдўғаннинг обрўини НАТО бўйича иттифоқчилар олдида тушириб юборди, шунингдек, Ғарбнинг расмий Москва билан ИШИД қарши кураш масаласида яқинлашишга бўлган уринишларини йўққа чиқарди.

Бу фикрлар CNN телеканалининг сайтида чоп этилган материалда келтирилди.
“Ҳозирнинг ўзидаёқ Германия ва Чехиянинг расмий шахслари Туркиянинг ҳаракатлари борасида ўз таажжубларини билдирмоқда”, - дейилади мақолада.
“Эндиликда Эрдўғаннинг НАТО бўйича ҳамкорлари уни мураккаб вазиятни янада чигаллаштира оладиган ишончсиз одам деб билишади.

Совуққонликни сақлай оладиган ҳамкор сифатида қарамайдилар, ваҳоланки мана шу Шимолий Атлантика альянсига совуқ уруш охирига қадар яшаб қолиш имконини берган”, - деб ҳисоблайди муаллиф.