Дунёнинг энг йирик шаҳарларида истиқомат қилувчи аҳоли орасидан ҳар 10 нафаридан 6 нафари автоном бошқариш тизимидаги машиналарда юришни исташини маълум қилди. Бу ҳақдаги маълумотлар Халқаро иқтисодий форум томонидан келтирилди.

Бундай автомобилларга энг катта қизиқиш билдирганлар Хитой, Ҳиндистон ва БАА фуқаролари бўлди. АҚШ ва Буюк Британияда сўровномада иштирок этганларнинг ярми уларнинг фикрига қўшилди. Автоном тизимларга энг кам қизиқиш билдирганлар Германия ва Япония вакиллари бўлди.

Респондентларнинг 46 фоизи автоном тизимларни автомобилсоз компанияларнинг ўзлари ишлаб чиқаришини истамоқда. 69 фоизи эса бу фирмалар бошқа техника етказувчилари билан ҳамкорлик қилишини хоҳлайди.

Респондентларнинг учдан икки қисми машиналар гибрид тизимда ишлашини маъқул топди.

Халқаро иқтисодий форум экспертлари, шунингдек, Дубай, Хельсинки, Нью-Йорк, Амстердам, Сингапур ва Торонто шаҳарларининг амалдорлари ва сиёсатчилари фикри билан қизиқиб кўрди. Уларнинг кўпчилик қисми бундай транспорт воситалари кичик масофаларга машинада бориш билан боғлиқ муаммоларни ҳал қила олишини таъкидлади.
Шу билан бирга, шаҳарларнинг катта қисми автоном машиналар инфраструктурасини ривожлантириш билан шуғулланмаётгани маълум бўлди. Бундай транспорт қўллашга тайёргарлик Сингапур, Гётеборг (Германия) ва Милтон-Кинсда (Буюк Британия) кетмоқда.