Фарғонада қаллоблар уй сотиб олмоқчи бўлган кекса аёлнинг 8 минг доллар пулини олиб қўйди. Бу ҳақда “На посту” газетаси хабар бермоқда.

Айтилишича, Андижон вилоятининг Марҳамат туманида истиқомат қилувчи Д. Бурхонова кўп қаватли уйлардан бирида хонадон харид қилиш мақсадида Фарғона шаҳрига ташриф буюрган. Бу ерда Камол исмли қаллоб ўз шериклари билан аёлни алдаб, ўзларига тегишли бўлмаган уйни кўрсатишган ва унинг эвазига 8 минг доллар пул олишган.
Уй Б. Аҳмедов исмли бошқа бир эркакка тегишли бўлиб чиққан.

Аҳмедов ва Бурхонова, алданганларини тушуниб, ИИБга мурожаат қилишган.
Қаллоблар тез орада қўлга олиниб, жавобгарликка тортилган. Моддий қимматликлар ва пуллар эса эгаларига қайтарилган.