GM Powertrain Uzbekistan Ўзбекистон-АҚШ қўшма корхонаси самарадорроқ двигатель яратиш устида ишламоқда. Бу ҳақда компаниянинг бош директори Женнифер Бигелоу Тошкентда ўтказилган матбуот анжуманида маълум қилди.


“Корхона келажак ҳақида ўйлаган ҳолда янги, самарадорроқ двигатель яратиш устида ишламоқда”, - деди у.
Бигелоу хоним ишланмаларнинг бошқа тафсилотларини ошкор қилмади.

GM Powertrain Uzbekistan енгил автомобиллар учун йилига 225 минг дона куч қурилмаларини ишлаб чиқаради. У Асакадаги асосий автойиғиш конвейерига Spark, Cobalt, Lacetti (Gentra) русумларига мўлжалланган двигателлар етказиб беради.