Реэкспорт Қирғизистонда ишлаб чиқаришга салбий таъсир ўтказмоқда

Жаҳон 26 Ноябрь 2015 1617

Реэкспорт Қирғизистонга яхши даромад келтираётганига қарамай, ички ишлаб чиқаришга салбий таъсир ўтказмоқда. Бу ҳақда мамлакат бош вазири Темир Сариев Бизнесни ривожлантириш ва инвестициялар бўйича кенгаш йиғилишида айтиб ўтди.

“Ўз-ўзича реэкспорт яхши, бозор структураларининг мослашувчанлигини кўрсатиб беради. Реэкспорт давлат органларини тинчлантириб қўйди, унинг ҳисобидан биз яхши даромад олдик, аммо ички ишлаб чиқаришни йўққа чиқардик”, - унинг сўзларини келтиради Қирғизистон телеграф агентлиги.

Сариевнинг фикрича, бугун ички ишлаб чиқаришга урғу бериш лозим, логистик тармоқ яратиш ва янги экспорт бозорларини топиш лозим.

Кўпроқ янгиликлар