"Реал" жамоаси бош мураббийи Рафаэль Бенитес жамоанинг ЕЧЛ гуруҳ босқичи, 5-тури доирасида "Шахтёр"га қарши ўйини олдидан футболчилар билан суҳбат ўтказган.

Хабар қилинишича, суҳбатда "Реал"нинг асосий таркибидаги барча футболчилар, жумладан Гарет Бейл, Хамес Родригес, Карим Бензема ҳамда Криштиану Роналду иштирок этган.

Суҳбатни ўтказишдан мақсад, ички чемпионатда "Барселона"га қарши мағлубиятли ўйиндан кейин (0:4) муҳитни яхшилаш ҳамда келгусидаги режаларни белгилаб олиш бўлган.

Daily Mail хабарида айтилишича, учрашув хушчақчақ муҳитда ўтган. Криштиану Роналду эса мураббийга бундан кейинги ўйинларда янада кўпроқ югуриши ва ғалаба учун ҳаракат қилишни ваъда берган. У бошқа жамоадошларига ҳам шундай маслаҳат қилган.