Туркия матбуотида Қозоннинг "Рубин" жамоаси футболчилари ўртасида Су-24 самолёти уриб туширилиши бўйича зиддият юзага келгани хақида хабар берилди.

Манбанинг ёзишича, "Рубин"нинг маҳаллий футболчиларидан бири туркиялик легионер Гўкдениз Қораденизга машғулот вақтида тихирлик қилган.

"Туркия бизнинг самолётни уриб туширди", деган у ўдағайлаб.

Бунга жавобан эса "Бизнинг тарихимизни ўрган, Туркия ҳамиша ўз чегараларини ҳимоя қилган", деган туркиялик футболчи.

Эслатиб ўтамиз, 24 ноябрь куни тонгда Туркия—Сурия чегарасида Суриядаги ҳарбий операцияда иштирок этаётган Россиянинг Су-24 самолёти уриб туширилди. Туркиянинг таъкидлашича, самолёт мамлакат ҳаво кенгликларини бузиб ўтган.

Россия Мудофаа вазирлигининг қайд этишича, Россия самолёти Туркия ҳудудига кирмаган.

Россия президенти Владимир Путин буни "орқадан зарба бериш" деб баҳолаган.