Сурияда Туркиядан келаётган 20 та юк машинадан иборат гуманитар карвон икки давлат чегараси яқинидаги Аъзаз шаҳрида авиазарбаларга учради. Бу ҳақда Humanitarian Relief Foundation гуманитар ташкилоти ўзининг твиттерида маълум қилди.

Ташкилотда зарбани ким берганлиги ҳақида аниқ маълумотга эга эмасликлари таъкидлаб ўтилди. Ҳозирча расмий маълумот ҳам мавжуд эмас.

Ташкилот ходимлари воқеа жойига жабрланганларга ёрдам бергани ва ёнғин ичида қолган юк машиналарни ўчиргани етиб келишган. Haberturk нашри маълумотларига кўра, ҳужум оқибатида 7 киши ҳалок бўлган, 10 киши яраланган. Машиналарнинг барчаси ўт ичида қолган.