Нигерия соҳилларида Польша савдо кемаси қўлга олинди. Бу ҳақда «Радио Польша» нашри хабар тарқатмоқда.

«Сапфир» юк кемаси 16 нафар польшалик денгизчилар билан биргаликда Антверпендан Нигериянинг Анна портига юк олиб келаётган бўлган. 27 ноябрга ўтар кечаси кема Кипр байроғини ўрнатиб олган қароқчи кема томонидан гаровга олинган.

Нигерия ҳукуматининг қайд этишича, мамлакат ҳарбий-денгиз кучлари мазкур кемани қутқариб олишга йўналтирилган. 

Маълумот ўрнида таъкидлаб ўтиш жоиз, Нигерияда қароқчилар томонидан кемаларни гаровга олиниши тез-тез учраб туради. Жорий йилнинг февраль ойида улар Грециянинг нефть танкерини қўлга олишганди.