Туркия ҳаво чегараси бузилганда амалга ошириладиган қоидавий меъёрларга риоя этмади. Россиянинг Су-24 самолёти ростанам чегарани бузган тақдирда ҳам у Туркия устида бор-йўғи 17 секунд бўлган эди ва ҳеч қандай агрессив мақсадларни кўзламаган эди. Бу ҳақда Нью-Йорк университети профессори, глобал сиёсат масалалари бўйича эксперт Марк Галеотти.

“Ҳаво чегараларининг бузилиши доимо рўй берадиган ҳодисадир, бу даражадаги сиёсий кески вазиятда бўлса ҳам. Бунда кутиладиган биринчи нарса огоҳлантирувчи ўқлардир, ундан кейин эса самолётни ҳаво ҳудудидан чиқиб кетишга ёки қўнишга ундайдиган ҳаракатлардир”, - дейди эксперт ўз мақоласида.

Россия самолёти шахсан Туркия президенти Ражаб Тойиб Эрдўған буйруғи билан 17 секунддаёқ уриб туширилиши Анқара бундай имкониятни узоқ кутганидан далолатдир, деб ҳисоблайди Галеотти. Унинг фикрича, Туркия кўпдан буён Россия самолёти бу даражада яқин келишини кутган. Шу йўл билан у Россияга ўз хабарини йўлламоқчи бўлган.

“Шу сабабдан Россия ташқи ишлар вазири Сергей Лавров нега Туркиянинг қилмишини провокация ва пистирма деганини тушаман”, - хулоса қилди эксперт.