ОАВда 2015 йилнинг энг яхши футболчиларини аниқлаш учун берилган овознинг дастлабки натижалари маълум қилинди.

El Mundo Deportivo нашрининг хабарига кўра, "Олтин тўп"-2015 "Барселона" ҳужумчиси Лионель Мессига насиб этади. У 414 очко (82,4 фоиз) олган.

Иккинчи ўринни "Реал" ҳужумчиси Криштиану Роналду эгаллаган - 212,5 очко (40 фоиз атрофида).

Учинчи ўринда эса "Барселона"нинг яна бир ҳужумчиси Неймар (95,5 очко).

Ундан кейинги ўринларда Луис Суарес ("Барселона", 34,5 очко), Златан Иброҳимович (ПСЖ, 21 очко) ва Андрес Иньеста ("Барселона", 20 очко) қайд этилган.

Шу тариқа, Месси "Олтин тўп"ни учинчи марта қўлга киритиши кутилади.

Расмий натижа 11 январь куни Цюрихда бўлиб ўтадиган маросим вақтида эълон қилинади.

Эслатиб ўтамиз, овоз бериш жараёнларида терма жамоа бош мурабийлари, сардорлари ва ОАВ вакиллари иштирок этади.