Париж терактларидан сўнг дунё бўйлаб Франция байроқларининг сотилиши ўсди, деб ёзади Британиянинг Guardian нашри.

Таъкидланишича, охирги бир неча йиллардан буён Франция байроғи кўпроқ миллатчилик рамзи сифатида қабул қилинарди, аммо Парижда содир этилган қўпорувчилик ҳаракатларидан сўнг тинчлик рамзига айланди. Франсуа Олланд бошқа давлатларни Франция байроқларини ўрнатишга чақирди, бу билан терактларда ҳалок бўлган 130 киши хотирасига ҳурмат кўрсатилади. Бугун, жума куни, уларнинг хотирасига бағишланган мотам маросими ўтказилади.

14 ноябрдаги фожиадан сўнг Франция триколорининг сотилиши 2 баробарга ўсди, деб таъкидланади мақолада.