Канада ҳукумати БМТнинг Қочқинлар ишлари бўйича олий комиссарига суриялик муҳожирларга кўмак сифатида 75 миллион доллар йўналтириши тўғрисида эълон қилди, дея хабар бермоқда Associated Press.

Шунингдек, БМТнинг Қочқинлар ишлари бўйича агентлигига келгуси бир неча ойда минглаб суриялик қочқинларни Канада бўйлаб жойлаштириш дастури доирасида 7,5 млн доллар йўналтирилади.

Канада вазирларидан бирининг сўзларига кўра, БМТ учун мўлжалланган мазкур маблағлар айни пайтда қочқинлар дуч келаётган қийинчиликларни юмшатишга сарфланади.

“Биз суриялик қочқинлар зиқ-овқат ва бошқа кунлик эҳтиёжлар учун маблағ етишмовчилигига дуч келаётгани, шунингдек, Сурияни тарк этишга ҳаракат қилиб, ҳар куни ҳаётини хавф остига қўяётганидан хабаримиз бор”, - деди у.