Россия ташқи ишлар вазири Лавров Россиянинг Дамашқдаги элчихонаси яқинига миномёт снаряди келиб тушганини маълум қилди. Бу ҳақда РИА Новости хабар бермоқда.
“Сурия бизнинг Дамашқдаги дипломатик ваколатхонамиз ҳамда барча фуқароларимиз хавфсизлигини таъминлаш йўлида кўраётган саъй-ҳаракатлар учун ҳам миннатдорчилик билдиришни истар эдим. Афсуски, бундай чораларга бўлган эҳтиёж сақланмоқда ва ҳатто кучаймоқда, 23 ноябрь куни элчихона ҳудудига яна миномёт снаряди келиб тушди”, - деди у суриялик ҳамкасби Волид Муаллим билан учрашув чоғида.
Сентябрь ойида ҳам элчихона ҳудудига снаряд тушган эди. Лавров буни “яққол террорчилик акти” деб атаган эди.