Россия ва Франция терактлар туфайли йўқотишлари икки давлатнинг террорга қарши саъй-ҳаракатларини бирлаштиришга мажбур қилмоқда. Москва бунга тайёр, деб айтди Россия президенти Владимир Путин ўзининг франциялик ҳамкасби Франсуа Олланд билан 26 ноябрда Кремлдаги учрашувда.

“Биз сиз билан Франция кўрган йўқотишлар борасида ҳамдардмиз, бу оғир жудоликлар, менинг билишимча, охирги маълумотларга кўра 130 киши ҳалоқ бўлган, 350 дан кўпроқ одам жароҳат олган. Биласиз, Россия ҳам фуқаролик самолётига нисбатан уюштирилган жирканч теракт оқибатида жиддий йўқотишларга учради. Ва буларнинг барчаси бизнинг умумий душманга қарши саъй-ҳаракатларимизни бирлаштиришга мажбур қилади”, деб айтди Путин.