Сурияда ер усти операцияларисиз террорчиликка қарши муваффақиятли курашишнинг имкони йўқ, бу операцияни фақатгина Сурия армияси таъминлаши мумкин, деб айтди Россия президенти Владимир Путин Франция президенти Франсуа Олланд билан учрашуви натижаларига кўра берган матбуот-анжуманида. “Асад армияси табиий иттифоқчи ҳисобланади”, деб айтди Путин.

Путиннинг айтишича, Франция президенти билан қайси ҳудудлар “муҳолифатнинг соғлом қисми” билан, қайси ҳудудлар террорчилик гуруҳлари билан эгаллангани ҳақида маълумотлар алмашиш ҳақида келишувга эришилди.

Олланднинг айтишича, Россия ва Франциянинг ИШИДга қарши зарбалари ўзаро мувофиқлаштирилади. “Биз ўз зарбаларимизни ИШИД ва бошқа террорчилик гуруҳларига қараташимиз керак”, деб айтди Олланд.