Қирғизистон ҳукумати савдо солиғидан босқичма-босқич воз кечишга қарор қилди. Бу ҳақда мамлакат бош вазири Темир Сариев баёнот берди.

Унинг сўзларига қараганда, яқин вақт ичида мамлакатда иқтисодиёт долларизацияси даражасини тушириш борасида чоралар кўрилади. Бунинг учун экспортни ривожлантириш дастурини амалга оширишга алоҳида эътибор қаратилади. Жумладан, Евросиё иқтисодий иттифоқи ҳудудидаги мамлакатларда талаб бўлган маҳсулотлар ишлаб чиқаришни кўпайтириш режалаштирилмоқда.

Бундай ишлаб чиқаришларни ривожлантириш учун эса, ўз навбатида, савдо-сотиқ ва саноат соҳасига имтиёзлар бериш талаб қилинади. Юқоридаги ташаббус айнан шунинг мевасидир.