Қирғизистонлик илоҳиётчи, дин масалалари бўйича эксперт Қодир Маликов кеча, 26 ноябрь куни унга ИШИД тарафдорлари ҳужум қилганини айтмоқда. Бу ҳақда маҳаллий матбуотда ёзилди.

Унинг сўзларига қараганда, уни айнан жисмонан йўқ қилишга бўлган ҳаракат амалга оширилган.

“Ўз машинамга яқинлашганимда, уни қора BMW тўсиб қўйди. Менга пичоқ ва электрошокер билан зарбалар бера бошлади. Улардан бири “Аллоҳу акбар!” деб бақирар эди. Ҳужумчилар мени машина ичига тиқмоқчи бўлишди, лекин мен қочиб, яқин орадаги бозорга етиб олдим”, - деди у.

“Мен бу менинг жонимга суиқасд эди, буни биламан”, - деди диний фаол.
Айни пайтда, мамлакат ИИВ можаро маиший асосда келиб чиққанини, илоҳиётчи машина парковкаси масаласида бошқалар билан талашиб қолганини айтмоқда.