АҚШдаги Колорадо-Спрингс шаҳрида жойлашган оилани режалаштириш маркази ёнида қуролланган эркак ва полиция ўртасидаги отишмадан кейин 11 киши жароҳатланган ва шифохоналарга олиб кетилган, деб хабар бермоқда АВС телеканали. Улардан камида 4 нафари полиция ходими эканлиги айтилмоқда.

Охирги маълумотларга кўра, марказ биноси ичидан бир неча соат давомида полиция билан отишма олиб борган жиноятчи таслим бўлган.

Полиция зобитларининг ўзаро суҳбатига кўра, жиноятчи қўлларини юқорига қилган ҳолда полиция олдига чиққан. Буни шаҳар мэри Жон Сатерс расмий твиттерида маълум қилди.

Ҳуқуқ-тартибот муассасалари ходимлари марказ биносига кириб, уни портловчи моддалар қўйилмаганига текшириб чиқишган.