АҚШ президенти лавозимига номзод миллиардер Дональд Трампнинг рейтинги бир ҳафтадан камроқ вақт ичида кескин тушиб кетди, деб хабар бермоқда Ipsos мракетинг ва ижтимоий тадқиқотлар халқаро институти ўтказган сўровнома маълумотларига иқтибос келтирган ҳолда Reuters ахборот агентлиги. Сўровномага кўра, Трампнинг рейтинги 5 кун ичида 43 фоиздан 31 фоизга тушиб кетган.

Бундай кескин пасайиш Трампнинг Париждаги терактлардан кейин айтган сўзлари билан боғланмоқда. Ўшанда Трамп агар президент этиб сайланса, АҚШ ҳудудида яшовчи мусулмонлар учун махсус маълумотлар базасини киритишини айтган. Шунингдек, Трампнинг фикрича, террорчилар учун сувга чўктириш орқали қийнаш усулини қайтариш керак. Трампнинг таъкидлашича, АҚШлик мусулмонлар 11 сентябрдаги терактларни олқишлашган.