Буюк Британия бош вазири Дэвид Кэмерон Буюк Британия парламенти қуйи палатасида Буюк Британия Қироллик ҳарбий-ҳаво кучлари томонидан Сурияда ИШИД позицияларини бомбардимон қилиш учун рухсат беришга зарур бўлган кўпчиликнинг қўллаб-қувватлаши ваъдасини олди. Бу ҳақда The Daily Telegraph нашри маълум қилди.

“Бош вазир ҳаво зарбалари фойдасига анча кўп овозга эга”, деб маълум қилмоқда нашр ва бошида бу ташаббусга қарши чиқаётган Консерватив партиянинг 20 депутати ўз фикрларини ўзгартирганларини таъкидлаб ўтди.

Буюк Британия парламентидаги кучларнинг бўлиниши асосида бомбардимонларнинг нафақат ҳукмрон партия томонидан, балки муҳолиф Лейбористик партиянинг деярли ярми томонидан қўллаб-қувватланиши ётади. Нашрнинг маълумотларига кўра, ҳозирда авиазарбалар бериш фойдасига 231 нафар лейборист депутатдан 115 нафари овоз беришга тайёр. Бу ҳолат лейбористлар етакчиси Жереми Корбин Сурияда ИШИД позицияларига авиазарбалар бериш ҳуқуқининг берилишига қатъиян қарши чиқааётганига қарамасдан кузатилмоқда. Ироқда бундай зарбаларни беришга рухсат бор.