АҚШ миллий хавфсизлик агентлиги 29 ноябрь куни америкаликларнинг телефон коммуникациялари маълумотларини тўплаш дастурини тўхтатади. Бу ҳақда Оқ Уй қошидаги Миллий хавфсизлик кенгаши вакили Нед Прайс маълумот берди.

Унинг таъкидлашича, охирги 5 йил давомида дастур доирасида тўпланган маълумотлар 2016 йил 29 февралига қадар сақланади. Чет эл разведкалари фаолиятини кузатиш бўйича АҚШнинг махсус суди қарори чиқиши билан барча маълумотлар йўқ қилинади.