Париж воқеаларидан сўнг Америкада ҳам мусулмонларга нисбатан ҳам турли салбий муносабатлар авж олмоқда. Шу боис Флоридадаги мусулмонлар реклама паннолари, баннер ва биллбордларга исломнинг моҳияти ҳақидаги сўзларни қўймоқда, дея хабар бермоқда Muxlis.uz сайти.

Масалан, шундай баннерлардан бирида "Муҳаммад тинчлик, адолат ва аёлларнинг ижтимоий ҳимоясини ёқлаган”, дейилса, бошқа бирида "Аллоҳ сизнинг ташқи кўринишингиз ва ҳолатингизга қараб, ҳукм чиқармайди”, деб ёзилган.

Ҳозирда шаҳарларнинг марказий нуқталаридаги ўнлаб биллбордларга ана шундай сўзлар ёзилиб, ислом ҳақида кўпроқ маълумотга эга бўлишни истовчилар учун телефон рақамлари ҳам ёзилмоқда. Маълумотларга кўра, қўнғироқ қилганлар сони аста-секинлик билан кўпайиб бораяпти.