Жанубий Корея полицияси тартибсизликлар ва тўқнашувларни келтириб чиқаришидан хавфсираган ҳолда келгуси ҳафтада Сеул марказида ўтказилиши режалаштирилган намойишларни ўтказишни тақиқлади, дея хабар бермоқда Рёнҳап агентлиги.

Бундан аввалроқ эса Фермерлар ассоциацияси келгуси ҳафтада шаҳар марказида намойишлар ўтказиш тўғрисида полицияни хабардор қилган, акцияда 10 минг киши иштирок этиши лозим эди.

Аввалроқ Сеул бўйича ҳукуматга қарши оммавий чиқишлар бўлиб ўтган эди. Уларда 53та касаба кенгашидан 130 минг киши иштирок этиб, сўнгги 7 йил ичидаги энг йирик миқёсли намойишлар бўлди. Намойишчилар ҳукуматнинг мамлакат тарихи бўйича дарсликларни бир хиллаштириш ва цензура қилиш ва меҳнат бозорини ислоҳ қилиш режасига қарши эътироз билдиришмоқда. Акциялар жараёнида тартибсизликлар бўлиб ўтди, полиция намойишчиларни тарқатиш учун сув пуркагчилар ва кўздан ёш сиздирувчи газдан фойдаланди. Тўқнашувлар натижасида 50 нафарга яқин киши ҳибсга олинди, тахминан 30 киши жароҳатланди.

Тақиққа қарамасдан, фермерлар ассоциацияси намойишларни режалаштирилганидек ўтказишини маълум қилди. Бунга жавоб тариқаси полиция ташкилотчиларни мазкур ҳаракат ноқонуний дея баҳоланиши, полиция буйруқларига бўйсунмаганлар жазога тортилиши ҳақида огоҳлантирди.