Қозоғистон Марказий Осиё давлатларини террорга қарши кураш йўлидаги саъй-ҳаракатларини БМТ атрофида бирлаштиришга чақирди. Бу ҳақда мамлакат ТИВ матбуот хизмати тарқатган баёнотда айтилади.

Унда келтирилишича, Қозоғистон вакиллари 27 ноябрь куни Душанбеда ўтказилган 6-йиллик Марказий Осиё ТИВ ўринбосарлари учрашувида иштирок этган. Ушбу тадбир ҳар йили БМТнинг Марказий Осиё учун превентив дипломатия бўйича минтақавий маркази томонидан ташкил этилади.

“Қозоғистон делегацияси раҳбари махсус топшириқлар бўйича Қозоғистон ТИВ элчиси Тимур Ўразаев Остонанинг аксилтеррор ҳаракатларини БМТ атрофида бирлаштириш ташаббусини қўллашга чақирди”, - дейилади ҳужжат матнида.