Қозоғистон солиқ хизматлари Facebook ва Instagram ижтимоий тармоқлари орқали ноқонуний савдо-сотиқ ҳолатлари бўйича тергов ўтказмоқдалар, деб хабар бермоқда Tengrinews.kz нашри. Бу ҳақда Қозоғистон давлат даромадлари қўмитаси раиси Даулет Ергожин маълум қилди. Ергожин ижтимоий тармоқлардаги савдогарлар кўпинча харидорларга чек бермасликлари ва божхона қонунчилигини бузилишларини айтди.

“Сиз контрабандага кўмак бераётганингизни англамайсиз. Бизда Остона аэропортида шов-шувли иш бўлган, ўшанда биз катта партиядаги шубаларни ушлаганмиз. Бу шубаларнинг барчаси Instagram орқали сотилган. Ҳозир бизнинг иқтисодий терговлар хизматимиз Facebook, Instagram орқали савдо қилувчи барча корхоналар ишлари ва фаолиятини таҳлил қилмоқда.

Бундай корхоналар заргарлик буюмларини ҳам сотишни бошлашди. Биз чегара хизмати билан бирга кўплаб шаҳарлар, аэропортларда уларни декларация қилинмаган заргарлик буюмларини олиб кириш пайтида ушламоқдамиз”, деб айтди Ергожин.
Айбдорлар мол-мулки мусодара қилинган ҳолда икки йилдан қўпроқ қамоқ жазосига тортилиши мумкин.

Ергожин, шунингдек, Россиянинг 20 евродан қимматроқ маҳсулотлар учун бож тўлови олиш ҳақидаги режаларига изоҳ берди. Унинг айтишича, Қозоғистон учун ҳали бунга эрталик қилади, чунки маҳаллий интернет-савдода бошқа кўплаб муҳим масалалар тартибга солинмаган. “Россия жисмоний шахс ўзи учун олиб кетаётган бўлса ҳам, маҳсулотларга бож тўлаш бошланадиган ягона бўсаға кўрсаткичини қиритмоқчи. Бироқ биз интернет-савдони умуман қандай тартибга солишни биргаликда англашни таклиф қилмоқдамиз. Шунчаки тўлов тизимини киритиш самара бермайди”, деб айтди Ергожин.