Самарқандда электр назоратчисининг иш ўрганувчиси ўзини инспектор деб таништириб, мижозларнинг пулини ўзлаштирди. Бу ҳақда “Ҳуқуқ” нашри ёзмоқда.

Айтилишича, Бекзод Қодиров Самарқанд шаҳар “Темирйўл энергосотиш” бўлимига иш сўраб келган. Раҳбарият уни Шавкат исмли назоратчига бириктириб қўйган. Улар иккалалашиб бир қанча мижозларнинг уйларини айланиб чиқишган.

Бу уйни эслаб қолган Қодиров кейинчалик бу уйларга ёлғиз қайтиб келиб, ўзини аҳоли бўйича назоратчи деб таништирган.

Алдов йўли билан сохта назоратчи Фазилат исмли аёлдан 200 минг сўм, Ўғилой исмли аёлдан эса 132 минг сўм олган. Аммо бу пуллар ҳисобга тушмаганидан гумон қилган аёллар “Темирйўл энергосотиш”га бориб, шикоят билдиришган.
Мижозларнинг маблағларини ўзлаштирган иш ўрганувчи тез орада аниқланиб, судга топширилган.