Швеция транспорт агентлиги Ироқнинг шимолий қисмидаги аэропортлар билан авиаалоқаларни вақтинчалик тўхтатиб туришга қарор қилди. Reuters агентлигининг маълум қилишича, бунга минтақада ҳарбий ҳаракатларнинг жадаллашиши сабаб бўлган.

Бу Ироқ шимолидан Швецияга парвоз амалга оширувчи бир қанча авиакомпанияга дахлдор ахборотдир. Улар орасида Эроннинг Air Zagros, Ироқнинг Iraqi Airways, Германиянинг Germania компаниялари бор.

“Бизнинг қароримиз Ироққа боришни истаган сайёҳларга таъсир қилишини биламиз. Аммо биз йўловчиларнинг хавфсизлигини биринчи ўринга қўямиз”, - тушунтирди агентлик вакили Симон Послук.